2 முடிக்காமல் நேரடியாக பட்டம் பெற்ற தோழர்களை JE இலாகா தேர்வு எழுத அனுமதிக்க வேண்டும்- BSNLEU கோரிக்கை

+2 முடிக்காமல் நேரடியாக பட்ட பெற்றவர்களை JE இலாகா தேர்வு எழுத அனுமதிக்க வேண்டும் என ஹைதராபாத் மத்திய நிர்வாக தீர்ப்பாயம் தீர்ப்பு வழங்கியது. இந்த தீர்ப்பை பெற்ற தோழர்களுக்கு கடந்த JE இலாகா தேர்வில், இந்த தீர்ப்பு அமலாக்கப்பட்டு விட்டது. இந்த நிர்வாக தீர்ப்பாயத்தின் உத்தரவை எதிர்காலத்தில் வரும் JE இலாகா தேர்விலும் அமல்படுத்த வேண்டும் என BSNL ஊழியர் சங்கம் 37ஆவது தேசிய கவுன்சில் கூட்டத்தில் எழுப்பியது. அப்போது அந்த பிரச்சனையை கார்ப்பரேட் அலுவலகத்தின் ESTABLISHMENT பிரிவில் விவாதிக்கலாம் என பதிலளிக்கப்பட்டது. அதன் அடிப்படையில் இந்த மத்திய நிர்வாக தீர்ப்பாயத்தின் உத்தரவை எதிர் வரும் JE இலாகா தேர்வுகளிலும் அமலாக்க வேண்டும் என 23.01.2019 அன்று Sr.GM(Est) அவர்களுக்கு BSNL ஊழியர் சங்கம் கடிதம் எழுதியுள்ளது.

10,000 கோடி ரூபாய் அலைக்கற்றை கட்டணத்தைக் கட்ட வோடோபோன் ஐடியா நிறுவனம் இரண்டு ஆண்டு காலம் கழித்து கட்ட அனுமதி கோரியுள்ளது.

வோடோபோன் ஐடியா நிறுவனம் கட்ட வேண்டிய வருடாந்திர அலைக்கற்றை கட்டணம் 10,000 கோடி ரூபாயை இரண்டு ஆண்டு காலம் கழித்து கட்டுவதற்கு அரசாங்கத்திடம் கோரிக்கை வைத்துள்ளது. அந்த நிறுவனம் சந்திக்கும் பொருளாதார நெருக்கடி காரணமாகவே இவ்வாறு கோரியுள்ளதாக அந்த நிறுவனம் விளக்கம் கொடுத்துள்ளது. இதே கோரிக்கையை COAI என்கிற CELLULAR OPERATOR ASSOCIATIONS OF INDIAவும் முதலிலேயே கோரியுள்ளது. இதே போன்ற கோரிக்கையை ASSOCHAMம் ஏற்கனவே முன்வைத்துள்ளது.

காலம் கடந்து போவதால் வேலை நிறுத்தம் தவிர்க்க முடியாது-AUAB முடிவு

மாநில சங்க சுற்றறிக்கை படிக்க :-Click Here

உண்ணாவிரதப்போராட்டம் ஒத்திவைப்பு

மல்லி செக்யூரிட்டி நிறுவனம் காக்கிவாடன்பட்டியில் பணி புரிந்த தோழர் திருநாராயணன் அவர்களையும் எரிச்சநத்தம் தொலைபேசி நிலைய காவல் பணி புரிந்த தோழர் மூர்த்தி என்பவரையும் தன்னிச்சையாக பணி நீக்கம் செய்ததை எதிர்த்து மாவட்ட செயலர் 21/01/2019 முதல் தொடங்க இருந்த  உண்ணாவிரதப்போராட்டம் , இன்று நமது அனைத்திந்திய துணை பொது செயலர் தோழர் செல்லப்பா மற்றும் TNTCWU சங்க மாநில தலைவர் தோழர் முருகையா அவர்களும் தலைமை பொது மேலாளர் அலுவலகத்தில் GM (SR) அவர்களுடன் நடத்திய   பேச்சுவார்த்தையின் அடிப்படையிலும் ,நமது மாவட்ட முதன்மை பொது மேலாளர் வரும் வாரத்தில் இப் பிரச்சனையை தீர்த்து வைப்பேன் என்று நமது அனைத்திந்திய துணை பொது செயலர் தோழர் செல்லப்பா அவர்களிடம் கொடுத்த உறுதி மொழியின் அடிப்படையிலும்  ஒத்திவைக்கப்பட்டு உள்ளது .

அடுத்தவாரம் பிரச்சனை தீரவில்லை என்றால் நமது தமிழ் மாநில செயலர் தோழர் பாபு ராதாகிருஷ்ணன்  தலைமையில் மாபெரும் உண்ணாவிரத போராட்டம் நமது முதன்மை பொது மேலாளர் அலுவலகம் முன் நடைபெறும் .

ஒப்பந்த ஊழியர்களை தான்தோன்றித்தனமாக வேலைநீக்கம் செய்யும் மல்லி செக்யூரிட்டி நிறுவனம்

தொழிலாளர் சட்டங்களை காலில் போட்டு மிதிக்கும் மல்லி செக்யூரிட்டி நிறுவனம் 

காக்கிவாடன் பட்டி தொலைபேசி நிலையத்தில் செக்யூரிட்டி பணி புரிந்த திருநாராயணன் என்பவரை நீக்கி விட்டு தற்போது புதிதாக ஹரி என்பவரை நியமித்து உள்ளது .அதுவும் இரண்டாவது சனிக்கிழமை அலுவலகம் விடுமுறை என்றபோதிலும் அந்த நிறுவனம் பிறப்பித்த உத்தரவை மாவட்ட நிர்வாகம் அவசர அவசரமாக  ஏற்று கொள்ள  வேண்டிய அவசியம் என்ன. எரிச்சநத்தம் தொலை பேசி நிலையத்தில் 1-10-2017 க்கு பிறகு  புதிதாக பணிக்கு வந்த ஒரு நபரை கார்பொரேட் அலுவலக உத்தரவை மீறி பணிக்கு சேர்த்த அவசியம் என்ன ? நீ ஆடு .நான் நடிப்பது போல் நடிக்கிறேன் என்ற பாணியில் மாவட்ட நிர்வாகம் கண்ணை மூடிக்கொண்டு மௌனம் சாதிக்கிறது . இந்த  நிறுவனம் தற்போது 2 ஊழியர்களை பலி வாங்கி உள்ளது .மாநில சங்கத்திற்கு இன்று இந்த தகவலை சொல்லி இருக்கிறோம் . GM (SR ) அவர்களை சந்தித்த பின் மாநில சங்க வழிகாட்டலின் படி ஒரு போராட்டத்தை மாவட்ட சங்கம் நடத்தும் .

உண்ணாவிரத போராட்டம் ஒத்திவைப்பு

மல்லி செக்யூரிட்டி நிறுவனம் தன்னிச்சையாக ஒரு ஊழியரை பணி நீக்கம் செய்ததை எதிர்த்து இன்று மாவட்ட சங்கம் தொடங்கிய உண்ணாவிரத போராட்டம் மாநில சங்க வேண்டுகோளுக்கிணங்க ஒத்திவைக்கப்பட்டு உள்ளது . மீண்டும் உண்ணாவிரத போராட்டம் வரும் 21/01/2019 அன்று முதன்மை மாவட்ட பொது மேலாளர் அலுவலகம் முன்பாக மிக பிரமாண்டமாக நடைபெறும் .

தொழிலார் விரோத போக்கை கையாளும் மல்லி செக்யூரிட்டி நிறுவனம்

காக்கிவாடான்பட்டியில் கிட்டத்தட்ட 18 ஆண்டுகளாக செக்யூரிட்டி பணி செய்த திருநாராயணன்  என்ற ஊழியரை எந்தவித தகவலும் இன்றி பணி நீக்கம் செய்து  புதிதாக ஒரு ஊழியரை (அதுவும் காலையில் ஓட்டுநராகவும் இரவில் செக்யூரிட்டி ஆகவும் இரட்டை பணி) அதுவும் குற்ற பின்னணி உள்ளவரை பணிக்கு அமர்த்திய மல்லி செக்யூரிட்டி நிறுவனத்தின் அடாவடி போக்கை பல முறை நிர்வாகத்தோடு பேசியும் நிர்வாகம் அந்த நிறுவனத்தின் மீது எந்த நடவடிக்கையும் எடுக்காமல் அலட்சியம் செய்யும் போக்கை கண்டித்து மாவட்ட செயலர் வரும் 10 ஆம் தேதி முதல் உண்ணாவிரத போராட்டத்தை தொடங்க உள்ளார் . இப் பிரச்சனையை மாநில சங்கத்தின் கவனத்திற்கு கொண்டு சென்றுள்ளோம் .ஏற்கனவே இந்த நிறுவனம் இன்னோவேடிவ் நிறுவனம் போல் ஊழியர்களுக்கான EPF ,ESI பணத்தை முறையாக செலுத்தாததால் நாகர்கோயில் மாவட்டத்தில் show cause நோட்டீஸ் இந்த நிறுவனத்திற்கு அனுப்பப்பட்டு உள்ளது . எல்லாம் தெரிந்தும் மாவட்ட நிர்வாகம் மௌனம் காப்பது யாரை காப்பாற்ற என்று தெரியவில்லை . 

தொடர் உண்ணாவிரத போராட்டம் 

 10/01/2019 காலை 1000 மணி 

அணி திரள்வோம் . மல்லி  செக்யூரிட்டி நிறுவனத்தின் அடாவடி போக்கை கண்டித்து