வீர வணக்கம்

அக்டோபர் 8 மக்கள் கவிஞன் பட்டுகோட்டை சுந்தரம் நினைவு நாள்

இடதுசாரி இயக்கத்தின் இடையறா ஈர்ப்பாளி..!

          இளம் பிராயத்திலேயே விவசாய சங்கத்திலும் கம்யூனிஸ்ட் கட்சியிலும் ஈடுபாடு கொண்டிருந்தார். தான் பின்பற்றி வந்த கட்சியின் இலட்சியத்தை உயரத்தில் பறக்கும் வகையில் கலை வளர்ப்பதில் சலியாது ஈடுபட்டார்.நாடகக் கலையில் ஆர்வமும், விவசாய இயக்கத்தின் பால் அசைக்கமுடியாத பற்றும் கொண்டிருந்தார். தஞ்சையைச் சேர்ந்த வீரத் தியாகிகள் சிவராமன், இரணியன் ஆகியோருடன் சேர்ந்து விவசாய இயக்கத்தைக் கட்டி வளர்க்க தீவிரமாகப் பங்கெடுத்தார். தமது 29 ஆண்டு வாழ்வில் விவசாயி, மாடு மேய்ப்பவர், உப்பளத் தொழிலாளர், நாடக நடிகர், என 17 வகைத் தொழில்களில் ஈடுபட்டு இறுதியில் கவிஞராக உருவானவர்.பாட்டுடைக் கவிஞன் பாரதிக்குப் பிறகு, தமிழ்க்கவிதையில், எளிமையும், இனிமையும், புதுமையும் புகுந்து நவீன கவிதை பிறந்தது. . தமிழ்க் கவிதை மரபில் உடைப்பு ஏற்பட்டது. கவிதை புதிய பரிமாணத்தில், புதிய களங்களில்,தளங்களில் பயணித்தது. இவர்களை தமிழ் உலகம் பாரதி பரம்பரையினர் என்று பெருமை படுத்துகிறது. இந்தப் பரம்பரையில் வந்த பாரதிதாசனனும், , பட்டுகோட்டை கல்யாணசுந்தரமும் பாராட்டப்பட வேண்டியவர்கள். துரோணரை நேரில் கண்டு பயிற்சி பெறாமலே அவரை மானசீக குருவாக ஏற்றுக்கொண்டு வில்வித்தை படித்து ,தலை சிறந்தவனாய் விளங்கிய ஏகலைவன் போல,பாவேந்தர் பாரதிதாசனை நேரிலே பார்க்காமலே அவரை தனது மானசீக குருவாக ஏற்று, பாரதிதாசனே வியந்து பாராட்டும் கவிஞராகத் திகழ்ந்தவர் பட்டுக்கோட்டை கல்யாண சுந்தரம்.

தன்மானம் மிக்க பட்டுக்கோட்டையார்..!

          திரை உலகில் நுழைய பட்டுக்கோட்டையார் சென்னைக்கு வந்து ராயப்பேட்டை பொன்னுசாமி நாயக்கர் தெருவில் 10-ம் நெம்பர் வீட்டில் ஒரு அறையை 10 ரூபாய்க்கு வாடகைக்கு பிடித்தார். சிறிய அறை. அதில் அவரது நண்பர்களான ஓவியர் கே.என். ராமச்சந்திரனும், நடிகர் ஓ.ஏ.கே.தேவரும் தங்கி இருந்தனர். பட்டுக்கோட்டை துவக்க காலத்தில் பணத்துக்கு கஷ்டப்பட்டாலும் துணிச்சல்காரராகவும் தைரியசாலியாகவும் இருந்தார். சினிமா கம்பெனி ஒன்றுக்கு அவர் பாட்டெழுதி கொடுத்தார். பணம் வந்து சேரவில்லை. பணத்தை கேட்க பட அதிபரிடம் சென்றால்,. 'பணம் இன்னிக்கு இல்லே! நாளைக்கு வந்து பாருங்கோ' என்று பதில். ஆனால் கல்யாணசுந்தரமோ பணம் இல்லாமல் நகருவதில்லை என்ற உறுதியுடன் நின்றார். 'நிக்கிறதா இருந்தா நின்னுண்டே இரும்' என்ற பட அதிபர் வீட்டிற்குள் போய்விட்டார்.உடனே கல்யாணசுந்தரம் சட்டைப்பையில் இருந்த ஒரு தாளையும், பேனாவையும் எடுத்து சில வரிகள் எழுதி, மேஜை மீது வைத்துவிட்டு சென்றுவிட்டார். கொஞ்ச நேரத்தில் படக்கம்பெனியைச் சேர்ந்த ஆள் பணத்துடன் அலறியடித்துக் கொண்டு கல்யாணசுந்தரத்திடம் வந்து பணத்தை கொடுத்தார். அப்படி என்னதான் அந்த சீட்டில் எழுதினார் பட்டுக்கோட்டை? இதோ 'தாயால் வளர்ந்தேன்; தமிழால் அறிவு பெற்றேன்; நாயே! நேற்றுன்னை நடுத்தெருவிலே சந்தித்தேன்; நீ யார் என்னை நில் என்று சொல்ல?'இதைப் படித்துப் பார்த்த பட அதிபர் அசந்து போனார். பணம் வீடு தேடி பறந்து வந்தது.

    குட்டி ஆடு தப்பி வந்தால் குள்ள நரிக்கு சொந்தம்.

 குள்ள நரி மாட்டிக்கிட்டா கொறவனுக்கு சொந்தம்.
          “குறுக்கு வழியில் வாழ்வு தேடிடும் குருட்டு உலகமடா ,
      கொள்ளையடிப்பதில் வல்லமை காட்டும் திருட்டு உலகமடா ,
 எந்த நேரமும் சண்டை ஓயாத முரட்டு உலகமடா ,

            விதவிதமான பொய்களை வைத்துப் புரட்டும் உலகமடா ,

         சிலர்குணமும் இதுபோல் குறுகிப்போகும் கிறுக்கு உலகமடா ”.
            நினைவு கொள்வோம் மக்கள் கவிஞனை.

இன்று தோழர் ஜோதிபாசு நினைவு நாள்

அரை நூற்றாண்டு காலத்திற்கும் மேலாக தேசிய வாழ்வில் உயர்ந்து நின்ற மாமனிதர் தோழர் ஜோதிபாசு. இங்கிலாந்து சென்று உயர் கல்வி பெற்றவர் தோழர் ஜோதிபாசு. வசதியான வாழ்க்கையைத் துறந்து ஏழை எளியவர்கள், தொழிலாளர்கள் நலனுக்காகவே வாழ் நாள் முழுவதும் பாடுபட்ட மகத்தான தலைவர் ஜோதிபாசு.அவர் இடது ஜனநாயக மற்றும் மதச்சார்பற்ற சக்திகளின் அடையாளமாகத் திகழ்ந்தார். சட்ட மன்ற, நாடாளுமன்ற அமைப்புகளில் பங்கேற்று மக்களுக்கு எவ்வாறு சேவை செய்ய வேண்டும் என்பதில் அனை வருக்கும் முன்மாதிரியாகத் திகழ்ந்தார். தேர்தலை மையமாக வைத்து அல்ல; அடித்தட்டு மக்களின் நலனை முன்வைத்தே ஓர் அரசு, திட்டங்களை வகுக்க வேண்டும் என்பதில் ஜோதிபாசு உறுதியுடன் இருந் தார். ஒரு கட்சியின் தலைவராகவோ, ஒரு மாநிலத்தின் முதல்வராகவோ அல்லாமல் தொழிலாளர்களின் தோழனாகவே அவர் அறியப்பட்டார்.மேற்குவங்கத்தில் ஜோதிபாசு அமல்படுத்திய அரசி யல், சமூக மற்றும் பொருளாதார மாற்றங்கள் அனைத் துக்கும் அடிப்படை, அவரது மனிதாபிமானம், மக்கள் மீது அவர் கொண்டிருந்த அப்பழுக்கற்ற நேசம், நம் பிக்கை.அர்ப்பணிப்புமிக்க அவரது பாதையை போற்றிப் பாதுகாப்போம்!

Red Salute to Comrade K.G.Bose - தோழர் K.G.போஸ் அவர்களுக்குச் செவ்வணக்கம்

          11th December 2012 is the 38th death anniversary of Com. K.G.Bose, the revolutionary leader of the P&T employees’ movement, who died at a comparatively young age of 54. He passed away in a London Hospital on 12th December 1974, while he was being treated for cancer.
                 

          தபால் தந்தி ஊழியர் இயக்கத்தின் புரட்சிகரமான தலைவர் தோழர் K.G.போஸ் அவர்களின் 38 ஆவது நினைவு நாள் - 2012 டிசம்பர் 11. ஒப்புநோக்குகையில் தனது இளம்வயதில், 54 வயதில், புற்றுநோய்க்கான சிகிச்சையில் இருந்தேபோது, லண்டன் மருத்துவமனையில் 1974 டிசம்பர் 12ல் அவர் மறைந்தார்.

புரட்சிகரத் தலைவருக்கு நம் புரட்சிகரச் செவ்வணக்கம்.